Свечено доделување на награди и пофалници на студенти со постигнат успех 9 и над 9 и награди и благодарници на најзаслужните студенти за промоција на ФЕИТ

На 21 јуни 2018 година, во Амфитеатарот на ФЕИТ се одржи свечено доделување на награди и пофалници на студентите кои учебната 2016/2017 година ја завршиле со успех 9 и над 9 и награди и благодарници на најзаслужните студенти за промоција на ФЕИТ на меѓународно ниво и промоција на ФЕИТ во полето на спортот во изминатата година.

Според деканот на ФЕИТ, професор д-р Димитар Ташковски, овие студенти се промотори на Факултетот и затоа, заслужуваат да бидат наградени и да им се признае постигнатиот успех.
Пофалници за завршена учебна 2016/17 со успех 9 и над 9 добија следните студенти:

Завршиле I студиска година со просек 9 и над 9 и освоиле најмалку 60 кредити

Завршиле II студиска година со просек 9 и над 9 и освоиле најмалку 120 кредити

Завршиле III студиска година со просек 9 и над 9 и освоиле најмалку 180 кредити

Добитници на благодарници за постигнат успех на меѓународни натпревари се:

Ангела Попова, Ангела Најдоска,Илија Ивановски, Ведран Симовски и Виктор Рудан под менторство на доц. Д-р Живко Коколански кои го освоија првото место на ICAMES(International Cultural and Academic Meeting of Engineering Students) меѓународен натпревар за инженерство и култура, на кој учествуваат студенти од речиси сите континенти во светот, и 23 години традиционално го организира Универзитетот „Богазичи“ од Истанбул, Турција.

Прво место за Прототип на паметна табла освоија студентите Јасна Станисавлевиќ, Елена Стефановска, Александар Цоневски на Mеѓународен натпревар EBEC Challenge Balkan - BEST 2018 кој се одржа во Ниш, Република Србија .

Студентите од ФЕИТ Мино Тодоров, Ведран Симовски,Илија Ивановски, Константин Кузмановски,Илир Селмани, Николчо Петковски,трето место за ФЕИТ во тимска конкуренција на Меѓународниот натпревар по LabVIEW во Скопје, септември 2017.

“Наградата е доказ за одличните услови за практична и теоретска работа на Факултетот за елекротехнички и информациски технологии“, рече деканот на ФЕИТ проф. д-р Димитар Ташковски.

Годинава женскиот тим составен од Теодора Митаноска, Тијана Темелковска, Ана Иванова, Бранислава Тасевска, Тамара Астарџиева, Сандра Ампова, Хава Хусени, Ивана Демјанова, Ангела Угриновска, Теа Вељковиќ, Евгенија Богоевска, Марија Салатиќ, Теодора Колевска, Александра Павлеска и Елена Пишовска во ракомет во Универзитетската лига го освои првото место.

На универзитетската лига беа освоени уште второ место во ракомет мажи  и кошарка жени, во одбојка во машка и во женска конкуренција трето место и  во индивидуални спортови Мартин Стојчевски (шах прво место), Димитар Ставров-Вешки (шах трето место), Виолета Аргирова (шах второ место), Бобан Атанасов (пинг понг трето место), Ања Крстевска (тенис второ место), Тамара Котевска (тенис трето место), Јовица Блажевски (куглање второ место).

Благодарници му беа доделени и на учесниците на годинешниот Скопски маратон, каде најуспешен беше тимот во женска конкуренција во штафета 4x10,5 составен од Александра Златкова, Ања Крстевска, Ирина Ивановска, Мариа Бјелиќ кои го освоија третото место.

„Уште еднаш покажавме дека и нашите студенти можат да бидат одлични спортисти. Јас сум среќен што на нашиот факултет се уште има студенти кои имаат пасија кон спортот“ – изјави Деканот на свечената промоција.

На овој свечен настан беа доделени и сертификатите од National Instruments стекнати во рамките на LabVIEW академијата на ФЕИТ, при тоа со Certified LabVIEW Developer се стекнаа Доц. д-р Живко Коколански и Дипл. ел. инж. Бодан Велковски. Како одговорен наставник на академијата Доц. Д-р Живко Коколански ги додели сертификатите Certified LabVIEW Associate Developer на Александар Илијевски, Андреј Грунески, М-р Марија Марковска и Петар Видоевски.

Факултетот оваа година прослави 59 години постоење. За помалку од шест децении, ФЕИТ успеа да изради репутација на најдобар факултет од областа на електротехниката и информациските технологии, факултет кој располага со најдобар кадар и на кој се запишуваат само најдобрите средношколци.