Лични алати
Пријави се
Трага: Дома › II Циклус › Тековни соопштенија за студентите › Оглас за доделување стипендии на студенти од втор циклус студии
делови

Оглас за доделување стипендии на студенти од втор циклус студии

Објавено на 12.09.2017 година

 

logookta.png

feit.jpg

logo_ukim.png

 

Врз основа на склучениот Meморандум за соработка склучен помеѓу Универзитетот Св. Кирил и Методиј и ОКТА АД - Скопје,  со седиште во с. Миладиновци на 19.9.2017 година, Факултетот за електротехника и информациски технологии распишува

ОГЛАС

за доделување стипендии на студенти од втор циклус студии

 

ОКТА АД-Скопје, (во ната­мошниот текст: ОКТА) во учебната 2017/2018 година доделува две стипендии на студенти од втор циклус-магистерски студии запишани на Факултетот за електротехника и информациски технологии, на студиските програми: eлектроенергетски системи и обновливи извори на енергија.

I. УСЛОВИ ЗА ДОДЕЛУВАЊЕ НА СТИПЕНДИЈА:

Право на стипендија има кандидатот кој ги исполнува следните услови:

  1. Да има завршено прв циклус студии на Факултетот за електротехника и информациски технологии во траење од 8 семестри, со постигнат просечен успех од најмалку 8;
  2. Да има доказ за активно познавање на англиски јазик;
  3. Да не е корисник на стипендија од други даватели;

II. ПОТРЕБНИ ДОКУМЕНТИ:

  1. Пријава (формулар достапен на интернет страната на Факултетот)
  2. Копија од диплома/уверение за завршени академски студии од прв циклус и уве­­рение за постигнат успех.
  3. Уверение-потврда за активно познавање на англиски јазик.
  4. CV.

III. ВИСИНА НА СТИПЕНДИЈА:

Стипендијата ги покрива трошоците за школарина во учебната 2017/2018 година во висина од 1.500 евра.

IV. НАЧИН И РОК НА ПРИЈАВУВАЊЕ

Крајниот рок за пријавување на кандидатите за користење на академската стипендија за студии од втор циклус е 24.10.2017 година.

Документите може да се достават во архивата на Факултетот или по пошта на адреса: Факултет за електротехника и информациски технологии, ул. Руѓер Бошковиќ, бр. 18 Скопје.

Кандидатот ќе биде избран од страна на Комисија составена од преставник на ОКТА и два преставници од Факултетот, а за кандидатите кои ќе влезат во потесен круг ќе биде организирано интервју.